မိမိတို့အသုံးပြုနေတဲ့ PC လေးတွေ အသုံးပြုရင်းနဲ့ လေးလေးလာကြတာကိုအားလုံးပဲ ကြုံဖူးကြမှာပါ။ အဆိုးရွားဆုံးအခိုက်အတံ့မျိုးမဟုတ်ပေမဲ့အနည်းနဲ့အများတော့ စိတ်အနှောက်အယှက် ဖြတ်သွားတတ်ကြပါတယ်။အဲ့လို PC တွေကို အမြဲတမ်း သွက်လက်ပေါ့ပါးစွာနဲ့ အသုံးပြုချင်တယ်ဆိုရင်တော့အခုပြောပြမယ့် အချက်လေးတွေကို အချိန်အနည်းငယ်ပေးပြီးဖတ်ကြည့်လိုက်စေချင်ပါတယ်။
နည်းလမ်းလေးတွေ အများကြီး ရှိတဲ့အထဲမှ အလွယ်အကူဆုံးဖြစ်စေမယ့်နည်းလမ်း (၁)ခုကို တင်ဆက်ပေးလိုက်ပါတယ်။
(၁) မလိုအပ်တဲ့ Software များကို ဖယ်ရှားပစ်ပါ။
~~~~~~~~~~~~~~~~~~~~~~~~~~~~~~~~~~~~
PCတွေ တော်တော်များများမှာ မြင်ဖူးကြပါလိမ့်မယ်။ Software တွေကိုမိမိလည်း မသုံးဘဲနဲ့ အနည်းနဲ့အများ တင်ထားတတ်ကြတာတွေကိုပါပဲ။ဘာကြောင့်လည်း မသိပါဘူး။ တချို့က ဝယ်ကတည်းက ဆိုင်က တင်ပေးလိုက်တာတချို့က သူများတွေက ကောင်းတယ်ဆိုလို့ တင်ထားတာ။တချို့ကျတော့ တချိန်ချိန်များ အသုံးပြု လာနိုင်မလားဆိုပြီး တင်ထားတာစသည်ဖြင့် Software တွေကို တစ်ခုလည်းမဟုတ်၊ နှစ်ခုလည်းမဟုတ်တင်ထားတတ်ကြပါတယ်။
အဲ့ဒီလို သွင်းထားခြင်းအားဖြင့် ဘာတွေ ဖြစ်လာနိုင်မှာလဲ။
(၁) မလိုအပ်ဘဲ Hard Disk Space တွေ ပြည့်လာတယ်။
(၂) ကိုယ်သွင်းထားတဲ့ Software တွေက Startup Program ထဲမှာ
ပါနေရင် Windows တက်တဲ့ အချိန်ပိုကြာစေပါတယ်။
(၃) ကိုယ်တင်ထားလိုက်တဲ့ Software က Spyware လိုဟာမျိုး Trojan လိုဟာမျိုး ဖြစ်နေမယ်။ ဒါမှမဟုတ် ပါလာမယ်ဆိုရင် မိမိတို့ PC ရဲ့ လုံခြုံမှု အပိုင်းနဲ့ပတ်သက်လို့ အန္တရာယ် ရှိလာနိုင်ပါတယ်ဒါ့ကြောင့် မလိုအပ်တဲ့ Software တွေ မသွင်းပါနဲ့လို့ အကြံပေးပါရစေအကယ်လို့များ သွင်းထားပီးရင်လဲ ဖျက်လိုက်ပါ။Software တွေ Uninstall လုပ်ပုံလုပ်နည်း အဆင့်ဆင့်ကို ဖော်ပြလိုက်ပါတယ်။
(a) Start ကိုနှိပ်ပြီး ခွေးသွားစိတ်ပုံ Settings ထဲကိုသွားပါ။
(b) Apps ထဲကို ဆက်သွားပီး Apps & Features အောက်ထဲမှာမိမိ PC ထဲမှာ တင်ထားတဲ့ Software တွေကို မြင်ရမှာပါ။
(c) မိမိ ဖျတ်ချင်တဲ့ Software ပေါ်မှာ Click နှိပ်ပြီး Uninstall ကို Click နှိပ်လို့ ဖျက်နိုင်ပါပြီဗျာ။
(Or)
(a) Windows key + R လေးကို နှိပ်ပြီး (cmd box) လေးကို ခေါ်လိုက်ပါ။
(b) cmd box ထဲကိုရောက်ပြီဆိုရင် appwiz.cpl လို့ရိုက်ပြီး uninstall လုပ်ပြီးလဲ ဖျက်နိုင်ပါတယ်ဗျာ...
ဒီနေ့မှာတော့ မိမိရဲ့ကွန်ပျုတာကို မြန်ဆန်စေမည့် နည်းလမ်းတွေ အများကြီးထဲကမှ အလွယ်အကူဆုံးဖြစ်စေမဲ့ နည်းလမ်း (၁)ခုကို Episode 1 ခုအနေနဲ့ အဆုံးသတ်ပါရစေဗျာ။
နောက်များမှာလဲ အခုလို နည်းလမ်းကောင်းလေးတွေကို အလျဉ်းသင့်သလိုတင်ပြသွားမှာဖြစ်ပါတယ်။မိမိတို့အတွက် အကျိုးရှိခဲ့တယ်ဆိုရင်လဲ တခြားသူတွေကို မျှဝေပေးဖို့ကိုလဲ မေတ္တာရပ်ခံလိုပါတယ်။
အားလုံးပဲ ကွန်ပျူတာပိုင်းဆိုင်ရာ ပြဿနာများ ကင်းဝေးနိုင်ကြပါစေဗျာ..